Contoh Novel Dalam Bahasa Sunda

“Rasa Tresna Nu Sarua”

(Dalam bahasa Indonesia artinya “Rasa Cinta yang Sama”)

Langit endah peuting ieu, bulan nu caang  jeung bentang-bentang  nambahan nyaangan langit nu endah pisan. rasana betah pisan cicing dideukeut jandela nempokeun ieu langit peuting nu kacida endahna, bulan jeung bentang asa jadi panghibur , ngabaturan abdi peuting ieu. tapi, ieu manah asa beda ... tiiseun angger karasa, ti saprak minggu kamari  ngarasa sedih kaleungitan saurang jelema nu biasana sok aya ngahibur. duh gusti, bantuan abdi... kaluarkeun abdi tina kasedihan ieu... duh bulan, bentang  dilangit cik pangbejakeun rasa kasedihan abdi ka hiji jalmi nu ayena aya na emutan abdi. duh angin tepikeun rasa sono abdi ka eta jelema, rasa sono anu kacida karasana. 2 taun eta jelema sareng abdi, aya dina hiji hubungan anu ngiket. cinta nu ngahijikeun urang duaan. rasa nyaah nu ngabetahkeun urang duaan.  wajar saumpamana abdi ngarasa kaleungitan eta jelama. kunaon atuh gusti, naha urang duaan dipisahkeun? naon salah abdi gusti? salami ieu abdi ngarasa nyaman sareng eta jalmi. teu kapikiran ayena bakal kapisah padahal geus 2 taun urang duaan babarengan. kasusah, kasedih, babarengan urang duaan . memang ieu hubungan urang teh teu direstuan ku pihak ibu sareng bapa abdi. ibu sareng bapa teu mere restu ti saprak urang duaan bobogohan ngajalin hiji hubungan ieu.

Ardi, eta lalaki nu bisa ngajieun abdi nyaah pisan ka lalaki. kakarak abdi ngarasa bisa nyaah jeung sieun kaleungitan eta jelema. masih keneh kabayang basa keur mimiti kenal. Teu gampil tiasa mopohokeun saurang jelema nu dipikanyaah pisan. Tapi da kalah kumaha gen angger kudu tiasa da meuereun ardi the sanes jodo abdi.

Unggal dinten  ratna sok ngajak abdi ameng , boh ka mall, boh ka kafe, atawa toko buku. Ratna sok mere sumanget ka abdi ameh tiasa ngahilapkeun ardi, jeung cenah saur ratna abdi kedah enggal kabogoh gegentos ardi meh tereh enggal hilapna. 

caritana, ratna, sahabat abdi ngajak katoko buku nu aya di caket sakola. uwih sakola abdi sareng ratna ngahaja datang ka eta toko buku, sabab basa eta aya novel nu karak dirilis di eta toko buku.

“hayu siska enggalkeun bisi kaburu seep kebukuna keteh moal kabagean “ ratna ngarurusuh ngajak abdi enggal datang ka eta toko buku.

sadugina di lebet toko buku ratna rurusuhan neangan eta buku novel nu dimaksud.

“tah ieu geuningan buku teh, siska. meser dua ah” saur ratna, bari nyandak eta novel.

“naha sadudua, ratna? ari hiji deui kanggo saha?” saur abdi kabingungan.

“hiji deuh kanggo siska atuh, etang-etang buruh tos maturan abdi ka toko buku ieu, hehee”

“aeh nuhun atuh. naa” waler abdi karatna.

ratna teh salah sahiji sahabat abdi anu paling bageur. teu dina kabungah hungkul, dina kasusahan ge abdi sareng ratna mah sok silih mantuan.

caritana, saatos ti toko buku eta, abdi sareng ratna teu langsung uwih ka bumi, tapi mampir heula di salah sahiji kafe anu caket sareng alun-alun kota.

“siska bade mesen naon? sok lah ku abi dijajanan mempeung abdi nuju kenging rezeki hehe.. “ saur ratna.

“duh ratna poe ieu bageur pisan hehe... nya atuh naon wen samikeun wen sareng ratna abdi mah”

“nya atuh kela nyaa abdi pesen heula..” waler ratna .

abdi nungguan ratna sabari maca eta novel. terus ratna datang deui bari mawa dua lalaki babatuan ratna .

“siska, yeuh kenalkeun ieu reza kabogoh abdi, hehee... ieu angga sobat abdi sareng reza”

abdi kenalan sareng eta dua lalaki. nu hiji, reza kabogoh ratna, nu hiji deui angga sobatna ratna. ratna sareng reza ngarobrol duaan. angga calik caket abdi nu nuju maca novel.

“siska, eta novel naon? “ angga naros.

“ieu novel ti ratna nembe kan atos ti toko buku meser novel ieu” abdi ngawaler sabari sabenerna mah rada isin da teu acan pati kenal.

“ohehe... nivel cinta-cintaan mah galau atuh engke teh haha..” waler angga

“ih sok kitu, teu kabeh novel cinta teh galau ih... hehe “ waler abdi.

abdi sareng angga mulai deukeut. awalna tina ngobrolkeun novel tapi lami-kalamian mah jadi deukeut pisan beda jeung mimiti kenal.

caritana geus sabulan abdi kenal ka angga. sok sasarengan sareng angga. osok nonton bareng, datang ka kafe nu mimiti pependak teh sok jadi kabiasaan datang kadinya lamun bade ameng janjian duaan. angga.. kunaon abdi jadi ngarasa atoh lamun duaan, tiasa ameng jalan-jalan duaan, komo mun diajak nonton sok asa bungah kacida. Duh ya allah, mugi-mugi sing saterasna abdi bungah jiga ayeuna, toong misahkeun urang duaan ya allah… caketkeun lamun angga teh memang jodo abdi.

Hampir unggal dinten abdi sareng angga pependak, ngobrol duaan. Tiap uwih sakola dianterkeun ku angga. Ratna oge nyarios angga the lalaki bageur, perhatian, matak pasti lamun deukeut jeng angga the sok ngarasa nyaman. Abdi beuki ngarasa atoh ratna nyarios kitu, abdi ngarasa hoyong pisan lamun saenyana angga teh bisa jadi salah saurang jalma anu dipikanyaah ku abi, nu bisa ngeusian hate abdi, nu bisa jadi kabogoh abdi.

Isukna angga ngajak abdi kasalah sahiji tempat acara pameran lukisan. Ditempat eta lukisan nu dipamerkeun endah kacida. Aya nu pamandangan, aya nu dimensi, aya oge nyaritakeun tentang kasatiaan.

Teu karaos atos wengi, angga ngajak abdi ka kafe anu biasa sok kadinya. Teu disangka angga mesen tempat khusus anu endah, eta tempat the di lantai 3 kafe anu tempatna teh outdor. jaba suasana wengi, romantic kesanna teh. Pekteh, angga ngahaja ngajieun tempat ieu jeung anu ngajieun abdi teu nyangka pisan angga nyarios,

“siska, angga ngahaja ngajak siska ka tempat ieu, ngadamel suasana ieu kanggo siska. angga sabenerna ngarasa siska teh salah saurang nu paling bisa ngajien angga nyaman, terus ayena angga the ngarasa nyaah pisan ka sisika. Siska, pami angga resep, nyaah ka siska, siska kersa teu janten kabogoh angga?”

Abdi ngarasa reuwas teu nyangka pami angga saberna ngarasa sarua sareng abdi, nyaeta boga kanyaah jeung ngarasa hoyong ngamiliki.

“angga siska sabenerna teu nyangka angga the ngahaja ngajieun suasana anu romantic pisan jiga ayeina. Siska sateuacaanna hoyong nyebat hatur nuhun kanggo sadayana anu tos ku angga disiapkeun. Siska bungah pisan. Sabenerna siska oge ngarasa nyaah ka angga nyaman pami caket sareng ngobrol sareng angga, tapi… “

“tapi naon siska? Pami siska teu tiasa mah teu nanaon, tiasa cakeut kieu hungkul ge angga mah atos ngarasa bungah. “

“sanes kitu, tapi… tapi malahan mah siska oge ngarasakeun rasa nu sami ka angga. Siska oge nyaah ka angga.. “

“leres eta the siska? Angga ge bersyukur atuh pami siska ge gaduh ras nu sami kanga. Janten kumaha siska keresa teu janten kabogoh angga? “

“emh…. Nyaa.. nya.. nyakeresa atuh angga. Siska hoyong janten kabogoh angga..”

“duh gusti nuhun atos masihkeun bidadari anu nyaah ka angga, nuhun siska percanten ka angga, terus janten kabogoh angga. “

Duh gusti peuting ieu rasana bumi the ngan nu urang duaan. Peuting nu endah, langit, bulan jeung bintang  nu nyaangan kaendahan ieu. Ditambih ku angga nu ayena janten lalaki nu ngeusian hate abdi, sempurna pisan gusti. Hatur nuhun kanggo sadaya nu tiasa abdi rasakeun kabungah anu kacida.